پاکستان کے مایہ ناز عالمی شہرت یافتہ گلوکار عاطف اسلم نے ملک میں جاری کورونا وائرس کی وباء سے متعلق وزیراعظم عمران خان کی جانب سے لئے جانے والے اقدامات کا خیرمقدم کرتے ہوئے ان کیلئے ویڈیو پیغام جاری کیا ہے۔

انہوں نے انسٹاگرام اکاؤنٹ پر ویڈیو شیئر کرتے ہوئے وزیراعظم عمران خان کے اقدامات کو سراہا اور پھر تمام لوگوں سے مخاطب ہوتے ہوئے کہا کہ جس کی جتنی حیثیت ہے وہ اس حساب سے لوگوں کی مدد کرے۔

انہوں نے مزید کہا کہ اس مشکل گھڑی میں اپنے ارد گرد، اپنے پڑوسیوں کو دیکھیں اور جو مستحق ہو اُن کی مدد کیلئے آگے بڑھیں۔

عاطف اسلم نے مزید کہا کہ اللہ پاک سے دعا ہے وہ ہمیں ان مشکل حالات سے لڑنے کی توفیق عطا فرمائے۔

ویڈیو کے آخر میں اُن کا کہنا تھا کہ میں حکومت یا کسی اور سے کوئی مطالبہ نہیں کرنا چاہتا بلکہ وزیراعظم کی جانب سے کئے جانے والے اقدامات کو سراہنا چاہتا ہوں۔

انہوں نے مزید کہا کہ اس مشکل گھڑی میں ہم آپ سب کے ساتھ ہیں اور اگر آپ کو کسی بھی حوالے سے ضرورت پڑتی ہے تو ہم حاضر ہیں۔

 

View this post on Instagram

 

The steps our respected Prime Minister Imran Khan is taking during this extremely difficult time are appreciable on every level. Please follow all the instructions of the government and let's volunteer to help our fellow countrymen in every way that we can. #safehands #stayathome #togetherathome #coronavirus #pandemicdisease #atifaslam #aadee #pakistan #primeminister #imrankhan

A post shared by Atif Aslam (@atifaslam) on Mar 29, 2020 at 8:29am PDT